Բրուցելոզը զոոնոզ հիվանդություն է, վարակը մարդկանց փոխանցվում է վարակված կենդանիներից: Հիվանդության վաղ ախտանշաններն են.
• բարձր ջերմությունը
• քրտնարտադրությունը
• ընդհանուր թուլությունը
• ախորժակի անկումը
• գլխացավը
• մկանացավը
• հոդացավը:
Ախտանշաններ կարող են պահպանվել երկար ժամանակ, վերածվելով ծանր բարդություններով քրոնիկ հիվանդության:
Վարակի փոխանցումը մարդուն
Մարդկանց շրջանում վարակի փոխանցման մեխանիզմներն են. սննդային, կենցաղ-կոնտակտային, ինհալացիոն (հարուցիչներ պարունակող օդը ներշնչելու դեպքում), ջրային և տրանսպլացենտար:
Առավել հաճախ վարակը փոխանցվում է մարդուն հիվանդ կենդանու թերի թերմիկ մշակված մսի կամ չպաստերացված* կաթի և այդ կաթից պատրաստված կաթնամթերքն (օրինակ, կաթնաշոռ, թարմ (անալի) պանիր, կարագ, սերուցք) օգտագործելու արդյունքում:
Երկրորդ տեղում է վնասված մաշկային ծածկույթների և լորձաթաղանթների միջոցով հարուցիչների ներթափանցումը մարդու օրգանիզմ: Դա վարակման ռիսկ է ստեղծում կենդանիների հետ շփում ունեցող և կենդանիներին խնամող աշխատողների համար՝ սպանադ (մորթ) իրականացնողների, անասնաբույժների, կենդանատերերի, ինչպես նաև որոսորդների համար:
Բրուցելոզով վարակվելուց խուսափելու նպատակով խորհուրդ չի տրվում սննդում օգտագործել չպաստերիզացված կաթ և չպաստերիզացված կաթից պատրաստված կաթնաշոռ, կարագ, սերուցք, 60 օրից պակաս աղաջրում պահված պանիր, թերի թերմիկ մշակման ենթարկված միս: Մասնագիտական ռիսկերը կանխելու նպատակով խորհուրդ է տրվում կենդանիներին խնամելիս կիրառել անխատական պաշտպանության միջոցներ: Հիվանդության ախտանշանների առկայության դեպքում անհրաժեշտ է դիմել բժշկի:
• Կաթի պաստերացում — ջերմային մշակման ձև է, որի ժամանակ կաթը կարճատև տաքացվում է մինչև բարձր ջերմաստիճան, ապահովելով վնասակար բակտերիաների ոչնչացումը