• Տեղեկատվություն հյուրանոցների և հյուրանոցային անձնակազմի համար

    Եթե ճամփորդել եք կորոնավիրուսային հիվանդությամբ COVID-19 անապահով երկիր կամ կարծում եք, որ սերտ շփում եք ունեցել կորոնավիրուսային հիվանդությամբ COVID-19 հաստատված դեպքի հետ, ապա Ձեր նկատմամբ կիրառելի են հատուկ սահմանափակումներ:

    Կորոնավիրուսային հիվանդությամբ COVID-19 անապահով երկրների ցանկին կարող եք ծանոթանալ՝ www.who.int  հղմամբ

    Կարո՞ղ եմ արդյոք գնալ աշխատանքի

    Հյուրանոցային անձնակազմը չի կարող աշխատել հյուրանոցում, եթե նրանք.

    • Ժամանել են կամ տարանցիկ անցել են կորոնավիրուսային հիվանդությամբ COVID-19 անապահով երկրից: Այս դեպքում իրականացվում է 14 օրյա ինքնամեկուսացում

    ԿԱՄ

    • Վերջին 14 օրվա ընթացքում սերտ շփում են ունեցել կորոնավիրուսային հիվանդության COVID-19 հաստատված դեպքի հետ: Այս դեպքում նրանք մեկուսացվում են 14 օրով՝ հաստատված դեպքի հետ վերջին շփումից հետո

     

    • Եթե Ձեզ մոտ, կորոնավիրուսային հիվանդությամբ COVID-19 անապահով երկրից վերադառնալուց հետո 14 օրվա ընթացքում, ի հայտ են եկել ախտանշաններ (ստորև ներկայացված), ապա անհապաղ դիմեք բժշկի՝ տրամադրելով մանրամասն տեղեկատվություն այցելության և շփման մասին

    Բժիշկը կապ է հաստատում հանրային առողջապահական համապատասխան մարմնի հետ՝ հոսպիտալացման և մեկուսացման գործընթացը կազմակերպելու համար: Մեկուսացումն իրականացվում է հյուրանոցում, տանը կամ բժշկական կազմակերպությունում՝ մինչ համապատասխան որոշման ընդունումը

    Ես գործատու եմ. Ի՞նչ ասեմ իմ անձնակազմին

    • Հյուրանոցի ղեկավարությունը պետք է բոլոր աշխատակիցներին և պայմանագրային աշխատողներին, ներառյալ մաքրող անձնակազմին, համապատասխան տեղեկատվություն տրամադրի և համառոտ ներկայացնի տեղեկատվությունը և ընթացակարգերը՝ հյուրանոցի տարածքում մարդկանց շրջանում կորոնավիրուսային հիվանդության COVID-19 տարածումը կանխելու համար:
    • Նրանք մեկուսացվում են տնային պայմաններում:
    • Աշխատակիցները պետք է իրենց գործատուին տեղեկացնեն մեկուսացման ժամանակ ի հայտ եկող ախտանշանների մասին, մասնավորապես՝ եթե այդ պահին նրանք եղել են աշխատավայրում:

     

    Ի՞նչ է վիրուսը

    Կորոնավիրուսները կարող են առաջացնել ինչպես թեթև (սուր շնչառական վարակ, հարբուխ), այնպես էլ ծանր ընթացքով հիվանդություններ, օրինակ՝ Ծանր սուր շնչառական համախտանիշ (SARS) և Մերձավոր Արևելքի շնչառական համախտանիշ (MERS):

    Վիրուսը կոչվում է «Նոր», քանի որ այն նոր է հայտնաբերվել: Հավանական է, որ վիրուսն ունի կենդանական ծագում, և այժմ կան ապացույցներ, որ այն կարող է փոխանցվել մարդուց մարդ:

    Որո՞նք են ախտանշանները

    Ախտանշանները ներառում են (բայց չեն սահմանափակվում) բարձր ջերմություն/ տենդ, հազ, կոկորդի ցավ, թուլություն և դժվարացած շնչառություն:

    Ինչպե՞ս է տարածվում վիրուսը

    Վիրուսը տարածվում է մարդուց մարդ.

    • Կորոնավիրուսային հիվանդությամբ COVID-19 հիվանդի հետ սերտ շփման արդյունքում
    • Կորոնավիրուսային հիվանդությամբ COVID-19 հաստատված հիվանդի հազալու կամ փռշտալու հետևանքով առաջացած կաթիլի հետ շփման ուղիով, կամ
    • Կորոնավիրուսային հիվանդությամբ COVID-19 հիվանդի հազալու կամ փռշտալու հետևանքով առաջացած կաթիլներով աղտոտված մակերեսներին կամ առարկաներին (օրինակ՝ դռան բռնակներ կամ սեղաններ) դիպչելու, այնուհետև՝ բերանին կամ դեմքին դիպչելու հետևանքով

     

    Որքա՞ն ժամանակ անձը կարող է լինել վարակիչ այլոց համար

    Դեռևս վարակված անձի վարակիչ լինելու շրջանը անհայտ է: Հավանական է, որ անձը կարող է փոխանցել վարակը նախքան առաջին ախտանշանների ի հայտ գալը, մինչև մեկ օր՝ ախտանիշների բացակայությունից հետո:

    Այդ իսկ պատճառով, Առողջապահության նախարարությունը ներկայումս առաջարկում է 14 օրվա մեկուսացում՝ Կորոնավիրուսային հիվանդությամբ COVID-19 անապահով երկրներից վերադարձած ճանախարհորդների և Կորոնավիրուսային հիվանդությամբ COVID-19 հաստատված դեպքի հետ սերտ շփում ունեցած անձանց համար:

    Ովքե՞ր են գտնվում ծանր հիվանդության զարգացման բարձր ռիսկային խմբում

    Վարակված անձանց մի մասը կարող են չունենալ որևէ ախտանշան, մի մասի մոտ այն կարող է ընթանա շատ մեղմ և նրանք կարող են հեշտությամբ ապաքինվել: Մյուս մասի մոտ կարող է ընթանալ շատ ծանր և կայծակնային:

    Հիվանդության ծանր զարգացման ռիսկի խմբում են գտնվում.

    • Թույլ իմունային համակարգ ունեցող անձինք (օր.՝ քաղցկեղ)
    • Մեծահասակներ՝ 70 տարեկան և բարձր
    • Քրոնիկ հիվանդություններով անձինք
    • Մանկահասակ երեխաներ և նորածիններ*
    • Խիտ բնակեցմամբ տարածքում գտնվող անձինք
    • Կալանավայրերում գտնվող անձինք

    *Երեխաների և նորածինների ռիսկը, ինչպես նաև նրանց դերը COVID-19- ի փոխանցման մեջ, պարզ չէ: Այնուամենայնիվ, մինչ այժմ արձանագրվել է հաստատված COVID-19 դեպքերի ցածր ցուցանիշ երեխաների շրջանում՝ համեմատած լայն բնակչության հետ

    Ի՞սկ եթե արդեն վերադարձել եմ աշխատանքի, բայց պետք է լինեի մեկուսացված

    Հնարավորինս շուտ պետք է տեղեկացնել գործատուին այն մասին, որ ճամփորդել եք բարձր ռիսկային երկիր կամ սերտ շփում եք ունեցել հաստատված դեպքի հետ և մեկուսացված մնալ մնացած 14 օրվա ընթացքում

    Եթե զարգանում են ախտանշաններ.

    • Անմիջապես մեկուսացվել տան մյուս անդամներից,
    • Զանգահարել բժշկի կամ տեղամասային պոլիկլինիկա և տեղեկացնել նրանց այն մասին, որ դուք կարող եք վարակված լինել կորոնավիրուսային վարակով, և
    • Բժշկին կամ հիվանդանոց այցելության ժամանակ, տեղեկացրեք, որ կարող եք վարակված լինել կորոնավիրուսային վարակով, ԵՎ
    • Հնարավորինս շուտ տեղեկացրեք Ձեր գործատուին առկա ախտանշանների և նոր կորոնավիրուսային վարակի նկատմամբ թեստավորման մասին

    Եթե առկա է ծանր ախտանշաններ, ինչպես օրինակ՝ դժվարացած շնչառություն.

    • Զանգահարեք 8003, 060838300 և հրավիրեք շտապ օգնություն,
    • Տեղեկացրեք շտապ օգնության անձնակազմին այն մասին, որ դուք կարող եք վարակված լինել Կորոնավիրուսային հիվանդությամբ COVID-19:

    Բժիշկը կապ է հաստատում հանային առողջապահական համապատասխան մարմնի հետ՝ հոսպիտալացման և մեկուսացման գործընթացը կազմակերպելու համար: Հանրային առողջապահության մարմնի ներկայացուցիչներն ավելի մանրամասն տեղեկատվություն կներկայացնեն և կհամագործակցեն ձեր գործատուի հետ

    Ինչպե՞ս կարող ենք օգնել վիրուսի տարածումը կանխարգելելու հարցում

    Ձեռքերի, ինչպես նաև փռշտալու և հազալու հիգիենայի պահպանումը չվարակվելու լավագույն միջոցն է: Անհրաժեշտ է.

    • Կազմակերպությունն ապահովել անհրաժեշտ քանակի ձեռքերի լվացման և ախտահանման միջոցներով:
    • Հաճախակի լվանալ ձեռքերը օճառով և ջրով, նախքան ուտելը, ուտելուց հետո, սանհանգույց հաճախելուց հետո
    • Հազալիս և փռշտալիս փակել բերանը և քիթը անձեռոցիկով, այնուհետև գցել այն աղբամանը, օգտագործել ալկոհոլային հիմքով ձեռքերի ախտահանիչ
    • Եթե ձեռքերը տեսանելի ախտոտված չեն, օգտագործել ալկոհոլ պարունակող ախտահանիչ, եթե ձեռքերը տեսանելի աղտոտված են՝ անհրաժեշտ է լվանալ ձեռքերը օճառով և ջրով:
    • Վատառողջ լինելու դեպքում՝ մեկուսացվել շրջապատից (պահպանել առնվազն 1 մետր հեռավորություն);
    • Մինչ բժշկական կազմակերպություն տեղափոխելը մեկուսացված այցելուի սննդի և այլ անհրաժեշտ ծառայությունները ապահովել տեղում՝ համարում, բացառելով շփումը:
    • Առանց ախտանշանների անձանց համար բժշկական դիմակ չի պահանջվում, դիմակը անհրաժեշտ է օգտագործել միայն կասկածելի անձին ծառայություն մատուցելու դեպքում՝ սննդի տրամադրում, առաջնային բժշկական օգնություն և սպասարկում և այլ:
    • Շրջակա միջավայրի մաքրման և ախտահանման ընթացակարգերը պետք է հետևողականորեն իրականացվեն:
    • Հաճախակի մաքրել և ախտահանել մակերեսները, ինչպիսիք են անկողնու հարևանությամբ գտնվող սեղանները, մահճակալները և ննջասենյակի այլ կահույքը յուրաքանչյուր օր սովորական կենցաղային ախտահանիչով, որը պարունակում է փոշիացված սպիտակեցնող լուծույթ (1 մասը `99 մասի ջրով): Այն մակերեսների համար, որոնց վրա չի թույլատրվում սպիտակեցնող նյութերի կիրառում՝ կարող է օգտագործվել 70% էթանոլ,
    • Լոգարանի և սանհանգույցի մակերեսները մաքրել և ախտահանել առնվազն օրական մեկ անգամ `կենցաղային սովորական ախտահանիչով, որը պարունակում է փոշիացված սպիտակեցնող լուծույթ (1 մասը՝ 99 մաս ջուր),
    • Հագուստ, անկողնային սպիտակեղեն, բաղնիքի և ձեռքի սրբիչներ և այլն օգտագործելուց հետո կանոնավոր լվանալ օճառով և ջրով կամ մեքենայով՝ 60-90 ° C ջերմաստիճանում ` սովորական լվացքի փոշիով և մանրակրկիտ չորացնելով:
    • Յուրաքանչյուր հիվանդության կասկածով այցելուից հետո անհրաժեշտ է կազմակերպել և իրականացնել եզրափակիչ ախտահանում:

     

    Կարո՞ղ են հյուրանոցի պատվավոր հյուրերը Կորոնավիրուսային հիվանդության COVID-19 ներկրման պատճառ դառնալ

    Այո, չի բացառվում: Հետևաբար՝ հյուրանոցը պատվավոր է հյուրերին տրամադրելու տեղեկատվություն հյուրանոցում առկա իրավիճակի մասին՝ հյուրանոցում տարածումը կանխելու նպատակով:

    Ի՞սկ եթե կարիք կա հյուրանոցի պատվավոր հյուրերին մեկուսացնել

    Եթե անհրաժեշտություն է առաջացել հյուրանոցի պատվավոր հյուրերին հյուրանոցում մեկուսացնելու, ապա հյուրանոցի անձնակազմի կողմից ձեռնարկվում են նախազգուշական միջոցներ՝ վիրուսի տարածումը կանխելու համար:

    Աշխատակազմը խստորեն իրականացնում է բոլոր նախազգուշական միջոցառումները, ինչպես նաև պետք է խուսափեն նրանց հետ սերտ շփումից:

    Ապահո՞վ են արդյոք մաքրման աշխատանքները

    • Մաքրող անձնակազմի կողմից բացառվում է մեկուսացված հյուրերի հետ սերտ շփումը:
    • Մաքրելու ընթացքում անհրաժեշտ է կրել ձեռնոցներ, իսկ ձեռնոցներ օգտագործելուց առաջ և հետո լ ձեռքերը պետք է լվանալ և ախտահանել ալկոհոլային հիմքով ախտահանիչով: Մաքրող անձնակազմը կարող է սենյակը մաքրելիս կրել եռաշերտ վիրաբուժական դիմակ (լրացուցիչ նախազգուշական միջոցառում):
    • Նախքան սենյակ մտնելը, մաքրող անձնակազմը կարող է տեղեկանալ հյուրերի ինքնազգացողության մասին, և ախտանշանների առկայության դեպքում խնդրել, որպեսզի նրանք կրեն եռաշերտ վիրաբուժական դիմակ:

     

    Ի՞սկ եթե հյուրը հիվանդանա

    Եթե մեկուսացված հյուրի մոտ զարգանում են ախտանշաններ, ապա անհապաղ պետք կապ հաստատել բժշկի հետ, ով դրա մասին հայտնում է Առողջապահության նախարարությանը՝ 8003, 060838300 հեռախոսահամարով:

    Բացառվում է անաձնակազմի շփումը վատ ինքնազգացողություն ունեցող և բժշկին դիմած հյուրերի հետ:

    • Կազմել հիվանդ այցելուի հետ շփված բոլոր անձանց ցանկը՝ ինչպես աշխատակիցների, այնպես էլ հյուրերի, և տրամադրել բուժաշխատողին
    • Մինչ բժշկական կազմակերպություն տեղափոխելը մեկուսացված այցելուի սննդի և այլ անհրաժեշտ ծառայությունները ապահովել տեղում՝ համարում, բացառելով շփումը:
    • Յուրաքանչյուր հիվանդ այցելուից հետո անհրաժեշտ է կազմակերպել և իրականացնել եզրափակիչ ախտահանում:
  • Ի՞նչ է կորոնովիրուսը։

    Կորոնավիրուսը պատկանում է այն վիրուսների խմբին, որոնք առաջացնում են տարբեր հիվանդություններ՝ սովորական հարբուխից մինչև ծանր հիվանդություն, օրինակ՝ Մերձավոր Արևելքի շնչառական համախտանիշը (MERS-CoV) և Ծանր սուր շնչառական համախտանիշը (SARS-CoV)։ Նոր կորոնավիրուսը (nCoV) նոր ենթատեակ է, որը մինչ օրս չի հայտնաբերվել մարդկանց շրջանում։

  • Ի՞նչ ծագում ունի կորոնովիրուսը։

    Կորոնովիրուսը կենդանական ծագման հիվանդություն է, որը փոխանցվում է կենդանիներից մարդուն։

  • Ինչպե՞ս պաշտպանվել կորոնովիրուսից։

    Կորոնավիրուսներով վարակման արդյունքում հիմնականում ախտահարվում են շնչառական օրգանները։ Հետևաբար առաջարկվում է հետևել ձեռքերի, ինչպես նաև հազալու և փռշտալու հիգիենայի պահպանման կանոններին։ Չվարակվելու համար, խորհուրդ է տրվում հնարավորինս խուսափել կենդանիների հետ չպաշտպանված շփումից՝ օգտագործելով անհատական պաշտպանիչ միջոցներ, իսկ շփման դեպքում՝ մանրակրկիտ լվանալ ձեռքերը, ինչպես նաև լիարժեք եփել միսը նախքան մատուցելը։

  • Որքանո՞վ է վտանգավոր Նոր կորոնավիրուսային վարակը (2019-nCoV):

    Նոր կորոնավիրուսային վարակը, ինչպես և այլ շնչառական հիվանդությունները, կարող է առաջացնել թեթև ախտանշաններ՝ հարբուխ, կոկորդի ցավ, հազ և ջերմություն։ Որոշ անձանց մոտ այն կարող է ավելի ծանր ընթանալ և հանգեցնել թոքաբորբի կամ դժվարացած շնչառության։

  • Արդյո՞ք անվտանգ է Չինաստանից կամ այլ երկրից, որտեղ հայտնաբերվել է նոր կորոնավիրուսային վարակ, ծանրոցներ ստանալը։

    Այո, անվտանգ է։ Չինաստանից կամ այլ երկրից, որտեղ հայտնաբերվել է նոր կորոնավիրուսային վարակ, ծանրոցներ ստացող անձանց կորոնավիրուսով վարակվելու վտանգ չի սպառնում։ Վերլուծությունները ցույց են տալիս, որ կորոնավիրուսները երկար չեն գոյատևում այնպիսի առարկաների վրա, ինչպիսիք են ծանրոցներն ու նամակները։

  • Կարո՞ղ եմ ես վարակվել նոր կորոնավիրուսային վարակով իմ ընտանի կենդանուց։

    Ոչ, ներկա պահին ապացուցված չէ, որ ընտանի կենդանիներ (կատուները կամ շները) պահող անձինք վարակվել են նոր կորոնավիրուսային վարակով (2019-nCoV) կամ տարածել են այն։

  • Առկա՞ են արդյոք նոր կորոնավիրուսային վարակը կանխարգելող կամ բուժող դեղամիջոցներ։

    Ոչ։ Այս պահի դրությամբ նոր կորոնավիրուսային վարակի (2019-nCoV) կանխարգելման կամ բուժման համար որևէ դեղամիջոց չի առաջարկվում։ Մինչդեռ, վարակված անձանց ախտանշանները թեթևացնելու կամ բուժելու նպատակով նշանակվում է համապատասխան խնամք, իսկ ծանր դեպքերում՝ ախտանշանային բուժում։ Բուժման որոշ եղանակներ գտնվում են ուսումնասիրության փուլում և կանցնեն կլինիկական փորձարկումներ։ ԱՀԿ-ն, իր գործընկերների հետ համատեղ, աջակցություն է ցուցաբերում աշխատանքների կազմակերպման գործընթացում։

  • Արդյո՞ք հակաբիոտիկների կիրառումն արդյունավետ է նոր կորոնավիրուսային վարակի կանխարգելման և բուժման համար։

    Ոչ, հակաբիոտիկները չեն կիրառվում վիրուսների դեմ (կիրառելի են միայն մանրէների դեմ)։ Հետևաբար, հակաբիոտիկները չպետք է կիրառվեն նաև որպես նոր կորոնավիրուսային (2019-nCoV) վարակի կանխարգելման կամ բուժման միջոց։ Այնուամենայնիվ, հակաբիոտիկներ կարող են նշանակվել, եթե դուք հոսպիտալացվել եք կորոնավիրուս (2019-nCoV) ախտորոշմամբ և Ձեզ մոտ առկա է համակցված մանրէային վարակ։

  • Արդյո՞ք նոր կորոնավիրուսային վարակը (2019-nCoV) փոխանցվում է մարդուց մարդ։

    Այո, Նոր կորոնավիրուսը (2019-nCoV) շնչառական վարակ է, և կարող է փոխանցվել մարդուց մարդ, սովորաբար, վարակված անձի հետ սերտ շփման միջոցով, օրինակ՝ տանը, աշխատավայրում կամ բուժհաստատությունում։

  • Ո՞վ կարող է վարակվել Նոր կորոնավիրուսային (2019-nCoV) վարակով։

    Մարդիկ, ովքեր ապրում կամ ճանապարհորդում են վայրեր, որտեղ շրջանառում է Նոր կորոնավիրուսային վարակը։ Ներկայումս, Նոր կորոնավիրուսային վարակը շրջանառում է Չինաստանում, որտեղ և արձանագրվել է վարակվածների թվի ճնշող մեծամասնությունը։ Այլ երկրներում վարակման դեպքերն արձանագրվել են Չինաստանից ճանապարհորդողների շրջանում, կամ այն անձանց, ովքեր ապրել կամ աշխատել են այնտեղից ժամանած անձանց հետ, ինչպես օրինակ՝ ընտանիքի անդամներ, գործընկերներ կամ բուժաշխատողներ, ովքեր խնամել են պացիենտներին նախքան Նոր կորոնավիրուսային վարակի հաստատվելը։

  • Ո՞վ է գտնվում Նոր կորոնավիրուսային վարակի ծանր ախտանշանների զարգացման ռիսկի խմբում:

    Թեև դեռ կարիք կա առավել մանրամասն ուսումնասիրելու, թե ինչ ազդեցություն ունի Նոր կորոնավիրուսային վարակը մարդկանց վրա, այնուամենայնիվ հայտնի է, որ տարեցները և քրոնիկ հիվանդություններ ունեցող անձինք (օրինակ՝ շաքարային դիաբետ և սրտանոթային հիվանդություններ) գտնվում են Նոր կորոնավիրուսային վարակի ծանր ախտանշանների զարգացման ռիսկի խմբում։

  • Ինչպե՞ս է տարածվում Նոր կորոնավիրուսյաին վարակը։

    Նոր կորոնավիրուսը շնչառական վարակ է, որը հիմնականում փոխանցվում է վարակված անձի հետ շփման ընթացքում փռշտալիս կամ հազալիս՝ շնչառական կաթիլների միջոցով։ Կարևոր է շնչառական հիգիենայի կանոնների պահպանումը բոլորի կողմից։ Հազալիս կամ փռշտալիս անհրաժեշտ է փակել բերանը և քիթը արմունկով կամ անձեռոցիկով (անձեռոցիկն օգտագործելուց հետո անմիջապես գցել աղբամանը)։ Կարևոր է նաև ձեռքերի հիգիենայի պահպանումը. անհրաժեշտ է պարբերաբար լվանալ ձեռքերը օճառով և ջրով կամ մաքրել ալկոհոլային հիմքով ախտահանիչով։

060 83 83 00